相信每個人都有多少職業病,而身為化妝師嘅我,就非常留意每個人嘅膚質啦,行街買嘢都係第一時間打量人哋塊面
工作關係,有時遇到廿來歲嘅model 或者演員,喺日夜顛倒嘅生活,皮膚狀態當然唔係咁理想。
又有時遇到一啲太太,雖然五十幾歲,但係保養得宜,上粉可以做到好貼薄,目測比實際年紀年輕十幾歲!所以,適合嘅保養同堆埋使用精華,真係好重要呢~
雖然,我目測人好叻(自信自信),但日日望住自己,始終都有D面盲㗎!早前,收到SK-II邀請,試做Magic Ring我感到非常雀躍!除此之外,仲擁有咗我人生第一枝SK-II神仙水添。
以前,我一直覺得SK-II神仙水只啱成熟嘅皮膚,但係近年,天氣嘅轉變同埋環境嘅污染,聽過好多女仔都係缺水嘅皮膚,想搵保濕精華都會用SK-II神仙水㗎。
之前,聽過唔少傳聞,話SK-II神仙水有酒精成份都唔太敢用!加上,自己係敏感肌,每次轉用護膚品之前,都會非常用心咁去做功課,研究下成份 (我平時用每件產品前嘅習慣,比較鍾意研究成份)
作為保濕精華的神仙水主要成份係Pitera™,即係天然酵母類嘅嘢,仲有維他命、胺基酸、礦物質和有機酸等 50 多種活性成份!呢堆成份係天然嘅保濕劑,而活性成份係滲透嘅增濕劑,為肌膚帶嚟即時嘅滋潤,同埋有提亮效果,皮膚會好似打左燈咁靚,就係咁解!
當我清楚知道咗成份次後,都急不及待咁用喺我嘅客到,尤其是睇到佢哋皮膚有需要個陣,好簡單用SK-II神仙水,輕輕拍三分鐘,保濕效果好過敷Paper Mask!
我自己呢?清楚了解成份之後,身為一個化妝師,都要試下唔同嘢!我都試用咗一排啦!水狀嘅精華最令我驚喜,當然係急救效果。
由於工作關係,我好多時晚睡早起,搞到面色唔係咁好同皮膚乾燥,又要化妝,我都會濕敷3-5分鐘SK-II神仙水,令到面色即時提亮,加強保濕,上妝真係very good!
研究新娘妝個陣,我仲有睇旅居韓國嘅 Yumi P,濕敷完之後,再用導入儀,加強一下肌底吸收,泵水效果仲快仲好㗎!我就塗完神仙水後待皮膚吸收一會,再用按摩儀讓皮膚吸收好點之餘又能瘦面。
講係咁講,始終每個人皮膚都唔一樣。身為一個化妝師,我都好Suggest番每個人去做Skin Test,再因應自己嘅需要,揀番啱自己用嘅保濕同精華護膚品!咁今次再接受SK-II邀請,做Magic Ring測試,係好開心㗎!
首先,店員好細心咁同我講解,仲用清潔好嘅儀器做Skin Test(我係潔癖怪)
有時,真係唔測唔知皮膚好,原來,我嘅肌齡只得21歲,真係想開心死姐咩
得”分“最高順序係
緊緻度(即係測試有冇下墜)
抗皺度(即係測試靜態紋)
光澤度(呢個唔係指油光,而係有冇好似剝殼雞蛋嘅啞緻光澤)
白皙度(主要係睇睇有冇底層黑色素,會唔會影響主體觀感同多唔多未來色班)
好可惜我嘅細滑度 成25歲,都怪長期出紅點,微絲血管嘅影響,唔夠平滑,如果唔係目測18真係不是夢
店員都好好,講解完會比建議我,例如我真係太乾啦,連續敷5-7保濕精華神仙水,膚質可以改善得好明顯,最重要比番啱我用嘅產品試用妝,試過好用啱用先買都未遲
嚟緊又到年尾,好多女仔都想大日子靚住出嫁,急救皮膚唔係上策呀!不妨趁早喺6月22日去到28號,去番 The Excelsior Plaza度Walk- In進行Magic Ring免費測試,知道肌膚問題,用番啱用護膚品,就可以Keep住肌膚每日都喺最好狀態。平時,你都可以去番 https://goo.gl/vm9orZ 登記做Magic Ring,仲有啱用嘅Sample送番㗎!
留言
發佈留言