Makeup by Minos Mi

詢問度極高嘅化妝班再度回歸！ 除左皇牌水嫩底妝秘訣， 仲新加入獨門眼睫毛技巧(包含單雙株技巧)，令你自己都可以做到韓式空氣感嘅植睫毛。 仲有人見人愛娃娃大眼娃，富女人味嘅歐美風眼妝。。。 今次內容超超超豐富，無論係對化妝有興趣嘅你，定係有意進修嘅你都岩！學費當中仲有$200可回購返Minos Mi Makeup嘅產品添! 有三個時段選擇 夜晚班 A 19/8 (五)  7：30 日頭班 21/8 (日)  2：30 夜晚班 B 21/8 (日)  6：30 一堂3小時，每位$880，二人同行，每位$680 地點：觀塘開源道56號大眾工業大廈605室 任何爭議Minos Mi Makeup保留最終決定權

剛入行既化妝師朋友，或者已經學左化妝有一年以上， 明明覺得自己精通多種技巧，但苦冇發揮既機會， 你有冇諗過係咩原因？ 你第一時間會歸咎自己識既人唔多，但你發現你既同班同學都係白紙一張入行， 但佢既工作量已經足夠做全職。 原因係佢得到客戶既信任 點先可以得到客人對你既信心，就等我呢個做左7年全職化妝師，都仲未死得既化妝小薯同大家分析下啦！ 工欲 善其事，必先利其器，呢句野永遠唔會過時 比人第一印象好重要，一套整齊乾淨既掃，就好似專業人士套西裝咁重要， 唔一定要大牌子，但千期唔好用化妝學校牌子既掃（唔好令人覺得你新到咁好冇？） 最好有返15-20枝，比人專業，專門既感覺。 除左唔要吉面 最重要係乾淨，乾淨，朝淨，好重要，所以要講三次。 21枝套裝(金色）＄320 21枝套裝(黑色）＄320  嫌黑色悶，可以換個特別既金桔色套 ＄80 BUDGET有限，可考慮投資落重點項目，如同客人有最大範圍接觸既碎粉掃同胭脂掃     2.制作多D DEMO 你有幾多枝巧，都要SHOW OFF 一下人地先見到既，而且練習係最重要， 但剛入行通常D 錢去曬學費到⋯⋯ 如果屋企有幅白牆，可不將屋企化身影樓呢？ 去鴨寮街瑩記買枝環形燈（$2XX），買件婚紗，CALL MODEL，DONE！ 妝相最重要影大頭，前短後長款方便收藏，以上為免燙款式，非常方便！ 飾物不可少，各＄50 中式頭飾材料包 $28 有手功天分既你，何不試整一兩款中式頭飾，可能就因為咁吸引到你第一位客人！ 有BUDGET就可以考慮租D一次性既地方化妝影相，方便又能專心化妝 觀塘影樓 ＄180起（3小時）  3.名牌效應 客人最緊張，往往係同自己有第一類接觸既  － 化妝品 所以，個D學校牌子化妝品，掉左佢啦！唔好諗住化MODEL時用，你點知MODEL會唔會黎緊想搵人化妝，但只記得你係剛剛畢業⋯⋯ 我知我明，名牌化妝好貴，所以要買得精明，一定要睇準時機！ 擁有YSL，ARMANI，植村秀⋯⋯等多個名牌既L'OREAL GROUP， 有BO...

如果你有睇開Mi既BLOG都知，Mi係個到頭花非常帶要求的人， 每位新娘子既頭花組合都係獨一無二，絕不重覆（新娘子止定除外）， 為要搵齊我想用既花，住住都會來回花墟兩次或以上， 搵唔岩再去觀塘搵（有間隱世花店出奇多選擇），剛剛有次連觀塘斬冇，最後勞煩THOR生係IFC既花店幫我買。。。 所以，如何挑選最靚頭花，就只有一個，不斷行，不斷揀！ 咁有時難免新娘子想用某花種，但唔當造，生得唔靚，Mi都有妙計！ 所需物品： - 花 - 花藝較剪 - 水 - 食用色素 我一買完通常即刻返公司，大部分嘅枝葉都剪曬，確保養分唔會去錯地方，集中曬花花到， 今日主角係胡姫，其實依家隻色都非常靚，不過頂個幾粒唔夠營養，淺色Ｄ， 所以拎左支紅色色素，仲有玫瑰花味添🌹，開一杯水，加大慨十滴色素，聽日就會有最嫩紅嘅胡姫啦✨ 仲有紫色藍色黃色，甚至淺粉紅色都可以咁做，就返個比例就得！ 假設係唔夠時間餵色，可以成朵放落色素水1-2小時，切記印乾先用！ 食用色素係蛋糕材料店有售 完成品 <3 更多資訊或聯絡 https://www.facebook.com/www.MinosMiMakeup.hk/

唔少朋友仔都好羨慕化妝師有得出TRIP， 但又有人唔少化妝師天價都不為所動， 到底點解呢？ 等我呢個化妝小薯同大家分析下啦～ （極似歐洲既豪斯登堡，超靚） 其實今次九州之前，Mi去過大慨10－18次左右 Overseas， 當中包括BigDay ，PreWedding，亞洲及歐洲。 （出發LU～） 形式分兩種， 一種以Pre wedding TOUR形式， 以去既日子較長，地點較遠。 舉個實例，可能係歐洲團，8對不同地點客人留3星期。 好處：能明正言順離開香港放個長假， 短時間之內到齊各大名勝景點， 或者去一D特別景點（攝影師總係喜歡去D冇人去既地方）。 因為離港日子多，多數薪水豐厚。 壞處：攰，非常攰， TOUR形常通常工作與工作之間會有一兩日前休息時間， 但好可能去左轉地點既交通上。 客人夾唔到日子要連二， 連二聽起上黎可能覺得小事，但一日PREWEDDING連化妝，一般12小時起跳，將心比己， 我跑到老遠都好希望影多D相，再加上歐洲夏天9點10點太陽伯伯先捨得收工。 人在外地，加密集式工作，身邊好多超強體力既化妝都宣布敗陣，其中一個經常都要適應時差，搞到本來已經好潺既佢。。。。肥左好多LOL，佢話再肥落去男朋友唔娶佢，所以宣布停飛，專心搞好自己個身體同婚禮。 另一重點，離港既日子，所有工作暫停，試妝，突如其來既工作，BYEBYE～ 要知道每位化妝師都十分珍惜機會⋯⋯ 以上都係轉述朋友既經歷，Mi比較幸運，唯一一次去TOUR，係京都5日2對客人，休息充足，交通時間舒適，呢D機會真係可遇不可求。 MI去得最多，係Private 一對一既Booking 當中有部分係BIG DAY，外地婚禮行程較香港輕鬆，係化妝最喜歡既工種之一， 而且通常直接經客收錢，價錢較和味。 （工作中的Mi，通常較不修篇幅⋯⋯） 一對一既PreWedding，感覺似大家一齊去旅行，邊走邊形相既形式。 除左華麗婚照，仲有更多有趣旅行相，二人遊係影唔到架！ 不少人都好想知，點先會接到呢類工作， 認識多一兩個攝影師不是壞事，你懂的。 至於不少行家朋友都...

同Vicky超有緣，Pre Wedding時幫Vicky化過娘，佢朋友介紹佢BigDay化妝師，試完都係搵返我，同Vicky之間唔係話題不絕個種，而係一切在心中 ：） 最記得佢係台上感動落 淚時，仲記得點名多謝我，超窩心 註冊造型，白色與青色，好日系感覺 我最拿手既小花造型，得到當日賓客一致好評，原因係好襯VICKY個性同氣質 切蛋糕啦～頭髮唔可以"嬲丘" 敬酒造型 新娘子喜歡放落黎，好，但360度都要有野睇！ MAKEUP＆HAIR ： MINOS MI 更多資訊或聯絡 https://www.facebook.com/www.MinosMiMakeup.hk/

可能因為大家都係雙魚座，喜愛實在太似，MANDY連花球都係揀我最喜歡既Hahahaflorist， 一來佢既花球以浪漫夢幻見稱，二來佢提供既頭花永遠都咖會令我失望 <3 MAKEUP＆HAIR ： MINOS MI 更多資訊或聯絡 https://www.facebook.com/www.MinosMiMakeup.hk/

講左兩日短髮造型，今日講下最多客人指定既小清新造型  小清新最大特色係唔會用過大過多既配襯，所有野點到即止，  但唔等於單 調，一樣可以好帶壓場感 重點係保持年輕，活潑既感覺 ：） 更多資訊或聯絡 https://www.facebook.com/www.MinosMiMakeup.hk/